Tug'ilgan yili: 1912
Kasb: Rassom
Kasb: Rassom
Rashid Muhamedovich Timurov
Rassom uslubi: Akademizm
Rassom uslubi: Akademizm
O'zbekiston SSRda xizmat ko'rsatgan san'at arbobi.
Rashid Timurov O'zbekistonda Samarqand realistik rassomlik maktabining XX asrning ikkinchi yarmi davridagi mashhur va ko'zga ko'ringan namoyandalaridan biri.
1912 yil 21 dekabrda Buxoroda tug'ilgan, oilasi 1930 yilda Samarqandga ko'chib o'tgan.
1930-1932 yillar san'at-sanoat bilim yurtida (gilamchilik bo'limida) o'qigan.
1932-1936 yillar Samarqand rassomlik bilim yurtida P. P. Benkov, L. L. Bure, Z. M. Kovalevskayadan ta'lim olgan. Keyinchalik O. K. Tatevosyan va V. N. Eremyandan yosh rassomlarning malakasini oshirish ustaxonasida (1939-1940) o'qigan.
Rashid Timurov – O'zbekistonning iste'dodli va mashhur peyzaj rassomi. Uning suratlarida Samarqandning she'riy go'shalari, me'moriy yodgorliklar, plener etyudlar, lirik manzaralar ifodalangan. Ularda ustaning o'ziga xos kompozision va koloristik izlanishlari aks etgan. Chingiz Ahmarov rassomning ijodiga shunday ta'rif bergan: "Rashid Timurovni chinakam samarqandlik xonanda deyish mumkin".
Rassomning asarlari Tretyakov Davlat galereyasi (Moskva, Rossiya), Sharq xalqlari san'ati davlat muzeyi (Moskva, Rossiya), O'zbekiston Davlat san'at muzeyi (Toshkent), Samarqand madaniyat va san'at tarixi muzeyi va O'zbekistonning ko'plab muzeylarida, shuningdek, shaxsiy kollektsiyalarda saqlanadi.R
