San'at asarlarini baholash

Bizning baholash kompaniyamiz har qanday murakkablik va yaratilish davridagi tasviriy va amaliy san'at ob'ektlarini baholaydi. Ob'ektlarni baholash ishlarini boshlashdan avval ular majburiy tartibda texnologik va san'atshunoslik ekspertizasidan o'tadilar. Ekspertiza O'zbekistonning tasviriy va amaliy san'at sohasidagi yetakchi mutaxassislari tomonidan amalga oshiriladi. Baholash ishlari yakunlari bo'yicha mijozlarga "Baholash faoliyati to'g'risida"gi O'zbekiston Respublikasi Qonuni va O'zbekiston Respublikasining Yagona Milliy baholash standarti (O'zbekiston Respublikasi Adliya vazirligi tomonidan 2023-yil 28-dekabrda 3487-son bilan ro'yxatdan o'tkazilgan) va sohadagi yetakchi olimlarning rahbarligida va bevosita ishtirokida ishlab chiqilgan O'zbekistonda birinchi "Madaniy boyliklar qiymatini baholash metodikasi" talablariga qat'iy amal qilgan holda san'at asarlarini baholash to'g'risida hisobot taqdim etiladi. Hisobotda baholash usullari, baholash mezonlari, san'atshunos ekspert xulosasi, milliy va xalqaro analoglarning narxlari tahlili va boshqa ma'lumotlar batafsil bayon etilgan. Mijozlarning iltimosiga binoan kompaniya xalqaro san'at asarlarini baholashni ham amalga oshiradi.