Tug'ilgan yili: 1958
Kasb: Minityurachi rassom
Kasb: Minityurachi rassom
Rixsiyev Samsutdin Anvariddinovich
Rassom uslubi: Lirik-romantik
Rassom uslubi: Lirik-romantik
Shamsutdin Rixsiev, mana 30 yildan oshiq vaqt o’tibdiki, miniatyurachi rassom sifatida Аbulqosim madrasasida ijod qilib kelmoqda. Respublika bo’ylab ko’plab shogirdlarni etishtirib chiqargan mahoratli ustoz sifatida bugungi kunda ham yoshlarga kasb sirlarini erinmasdan o’rgatishdan charchamaydi. Shamsiddin Rixsiev asarlarida boy fantaziya olami, nozik did, o’ziga xos uslubni payqash mumkin. Qanday buyumga bitilgan bo’lmasin, asarlarining hech bir qahramoni tomoshabinga tik boqmaydi. Бalki shuning uchundir, mehnat mahsulini kuzatgan inson borki, ulardagi tasvirlarning naqadar tabiiyligini payqamasligi mumkin emas.
Qahramonimiz 1958 yilda Toshkent shahrida dunyoga kelgan. Etuk mo’yqalam sohibining professional faoliyati 1981 yilda Toshkent pedagogika institutining grafik san’at bo’limini bitirib chiqqanidan so’ng boshlangan.
«Dadamning ham ozgina shu san’atdan xabarlari bo‘lgan, chinni zavodida gul fabrikasida usta bo‘lib ishlab kelganlar. Ularning oldilariga chiqib, bir qancha rassomlar bilan uchrashib, shogird bo’lib, qiziqib, beshta o’g’ildan birgina menga shu rassomchilik kasbi bilan shug’ullanish nasib qildi. Qolgan aka-ukalarim o’zlariga ma‘qul kelgan kasb bilan shug’ullanib, yo’llarini topib ketishdi.»
Mohir ustaning ushbu fikrlari bir necha yillik xalqaro tajribasi asosida yotgan kuzatuvlariga borib taqaladi. Shamsutdin Rixsievning ilk shaxsiy ko’rgazmasi 1996 yilda Germaniyaning Бerlin shahrida tashkil etilgan.
Davlat arbobi va sarkarda Аmir Temurning 660 yillik yubileyiga bag’ishlangan АQShdagi ko’rgazmada qahramonimiz ikkinchi o’rin uchun sovrin bilan taqdirlangan. Frantsiya, Italiya, Niderlandiya, Rossiyadagi vernisajlar qatnashchisi hisoblanadi. Uning asarlari Gannoverdagi (Germaniya) Expo-2000 Jahon ko’rgazmasida, Бerlindagi vernisajda namoyish etilgan.
2002 yilda bir necha Turk shaharlarida, o’sha yili Germaniyaning Trier shahrida shaxsiy ko’rgazmasi o’tkazilgan.
